წალენჯიხის N7 საჯარო სკოლაში იაკობ გოგებაშვილის 183-ე წლისთავი საინტერესოდ აღინიშნა.
აღნიშნულ დღესთან დკავშირებით, სკოლის IV კლასში დიდი პედაგოგისა და „დედა ენის“ ავტორის - იაკობ გოგებაშვილის კვირეული ჩატარდა.
მოსწავლეებმა დიდი ქართველი საზოგადო მოღვაწის ბიოგრაფიული ცნობები, გამონათქვამები მოიძიეს და ერთმანეთს გაუზიარეს.
ბავშვებმა ასევე საინტერესო მოთხრობები წაიკითხეს და მის მთავარ პერსონაჟებთან დაკავშირებით კითხვები გააჟღერეს.
როგორც სკოლაში გვიყვებიან ისინი მონდომებით მონაწილეობდნენ აქტივობაში - „ცხელი სკამი“, რამაც მათ განწყობა კიდევ უფრო აუმაღლა.
„მეოთხეკლასელებმა ასევე დაასათაურეს მოთხრობები და მისწერეს ღია წერილი დიდ იაკობს. კვირეული საზეიმო ღონისძიებებით დავხურეთ“, - გვიყვებიან სკოლაში.
ეს დღე საინტერესო და დასამახსოვრებელი იყო მოსწავლეთათვის.
აღსანიშნავია, რომ მსგავსი ღონისძიებები მოსწავლეთა მოტივაციას ამაღლებს.
იხილეთ ფოტოები:
