თბილისის N217 საჯარო სკოლის მუდმივ წინსვლასა და მოსწავლეთა წარმატებებზე ორიენტირებული პედაგოგიური საზოგადოება, თავს არ ზოგავს, რათა ბავშვებმა მიიღონ საფუძვლიანი განათლება - საგნობრივი ცოდნის პარალელურად, ბავშვებს უნდა ჰქონდეთ ზოგადი განათლება და იცნობდნენ იმ პიროვნებებს, რომლებმაც გარდამტეხი როლი შეასრულეს მომავალი თაობების განათლება-აღზრდის საქმეში.
ამის დასტურია თბილისის N2017 საჯარო სკოლაში მიმდინარე კვირეული, რომელიც დიდი პედაგოგის, იაკობ გოგებაშვილის ხსოვნას მიეძღვნა.
სწორედ ამ კვირეულის ფარგლებში მე-2 „ა“ კლასის მოსწავლეებმა, დამრიგებლის, რუსუდან ქელდიშვილის ხელმძღვანელობით, ჩაატარეს ღონისძიება - „გმადლობ, დედაენა“.
„მოსწავლეებმა წარმოადგინეს ნახატები და საკუთარი ხელით შექმნილი წიგნები; პატარებმა გოგებაშვილის მოთხრობების გმირები გააცოცხლეს, მოირგეს მათი როლები და წარმოადგინეს სხვადასხვა ნომრები; ღონისძიებას ესწრებოდა სკოლის დირექტორი ქალბატონი ინგა ავალიანი“, - აღნიშნულია სკოლის მიერ მოწოდებულ ინფორმაციაში.
იხილეთ ფოტოები:
