მუსხის საჯარო სკოლის მოსწავლეები თოჯინების თეატრს ეწვივნენ
30-10-2023
ახალციხის მუნიციპალიტეტის სოფელ მუსხის საჯარო სკოლის მოსწავლეებისთვის, საინტერესო და სახალისო გასვლითი ღონისძიება მოეწყო.
II - IV კლასის დამრიგებლების - ლია ოქრომელიძის და მაია ჯინჭველაძის ხელმძღვანელობით, მოსწავლეები თოჯინების თეატრს ესტუმრნენ და სპექტაკლი - „მზის სხივი“, ნახეს.
როგორც სკოლაში გვიყვებიან, სპექტაკლი ძალიან საინტერესო იყო, რამაც აღაფრთოვანა მოსწავლეები, ისინი შინ დადებითი ემოციებით დატვირთულები და ბედნიერები დაბრუნდნენ.
სკოლაში მოსწავლეთათვის საინტერესო აქტივობებისა თუ ღონისძიებების მოწყობას დიდი მნიშვნელობა ექცევა, რადგან გააზრებული აქვთ, რომ ხარისხიანი სწავლებისთვის მათი განწყობა მნიშვნელოვანი ფაქტორია.
იხილეთ ფოტოები:
სკოლების სიახლეები
