თელავის მუნიციპალიტეტის სოფელ ყარაჯალის საჯარო სკოლაში იაკობ გოგებაშვილის 183-ე წლისთავი და მასწავლებლის ეროვნული დღე აღინიშნა.
ამ დღესთან დაკავშირებით, სკოლაში საინტერესო და მრავალფეროვანი აქტივობებით გაჯერებული ღონისძიება ჩატარდა, რომელშიც მოსწავლეები დიდი ენთუზიაზმით მონაწილეობდნენ.
მე-10 კლასის მოსწავლეებმა ღონისძიებაზე მასწავლებლის ჰიმნი შეასრულეს. მეათეკლასელებმა მასწავლებლის პროფესიის შესახებ ისაუბრეს და პედაგოგების ღვაწლი აღნიშნეს, რომლებიც მათ განათლებაში დიდ შრომას დებენ.
ბავშვებმა ასევე დიდი პედაგოგისა და „დედა ენის“ ავტორის - იაკობ გოგებაშვილის შესახებ საინტერესო პრეზენტაცია გააკეთეს.
მეათეკლასელებმა დიდი ქართველი საზოგადო მოღვაწის ცხოვრებიდან საინტერესო მონაკვეთები გააჟღერეს.
„ღონისძიებაში აქტიურად ჩაერთნენ დაწყებითი კლასის მოსწავლეები, რომლებმაც იაკობის მოთხრობების ინსცენირებით დააგვირგვინეს ეს ღირსშესანიშნავი დღე“, - გვიყვებიან სკოლაში.
ბავშვებმა ღონისძიებაზე შემოქმედებითი უნარები შესანიშნავად წარმოაჩინეს.
ეს დღე საინტერესო, დასამახსოვრებელი და ინფორმაციული იყო მოსწავლეთათვის.
აღსანიშნავია, რომ სკოლაში მოსწავლეთა მრავალმხრივ განვითარებას მნიშვნელოვანი ყურადღება ექცევა.
იხილეთ ფოტოები:
.jpg){kind=link}
