წყალტუბოს მუნიციპალიტეტის სოფელ ცხუნკურის N2 საჯარო სკოლის პირველკლასელებმა ანბანის სწავლა საზეიმოდ დაიწყეს.
პედაგოგმა მათ სასწავლო მოტივაციაზე იზრუნა და ბავშვებს მრავალფეროვანი აქტივობები და სასწავლო რესურსები შესთავაზა. შთამბეჭდავი იყო საკლასო ოთახის საზეიმო მოკაზმულობაც.
მოსწავლეები აქტივობებში ხალისითა და ინტერესით ჩაერთნენ და ცოდნა და შესაძლებლობები წარმოაჩინეს.
„ასე ფერადად და ლამაზად შემობრძანდა ანბანი ცხუნკურის N2 საჯარო სკოლის პირველკლასელების ცნობიერებაში, ჩატარდა საზეიმო გაკვეთილი, შეისწავლეს „ა“ და „ი“ ასო-ბგერები, გააფერადეს ნახატები, გადაიღეს ფოტოები, დაისწავლეს ლექსი იაზე და ბედნიერი სახეებით გაეშურნენ შინისაკენ. წარმატებებს გისურვებთ ჩვენო თვალხატულა გოგო-ბიჭებო“,- აღნიშნავს მოსწავლეთა პედაგოგი და ბავშვებს საანბანო პერიოდის დაწყებას კიდევ ერთხელ დიდი სიყვარულით ულოცავს.
იხილეთ ფოტოები:
