თბილისის N129 საჯარო სკოლას არაერთი წარმატებული და წარჩინებული მოსწავლე ჰყავს, რომლებიც წარმატებით მონაწილეობენ სხვადასხვა პროექტსა თუ ჩემპიონატში, მათ შორისაა თამარ ხითარიძე.
თამარი, ზაფხულში მონაწილეობდა ამერიკის საელჩოს ეგიდით ჩატარებულ პროექტში სახელწოდებით - „საზაფხულო გამოწვევა კითხვაში“.
როგორც სკოლაში გვიყვებიან, თამარს, უნდა წაეკითხა სამი ინგლისურენოვანი წიგნი და მათი მოკლე შინაარსი, წაკითხული წიგნების გვერდების ჯამურ რაოდენობასთან ერთად, გადაეგზავნა, რომელთაგან თავად აარჩევდა ერთ-ერთს.
აღსანიშნავია, რომ გამორჩეული ნაშრომი სამი დონის დიპლომით: ვერცხლის, ოქროს და პლატინიუმის ხარისხით ჯილდოვდებოდა.
თამარმა კი, ყველაზე მაღალი ხარისხის - პლატინიუმის დიპლომი დაიმსახურა.
აღსანიშნავია, რომ თამარის ინგლისური ენის პედაგოგი - თამარ ხუნდაძე გახლავთ.
სკოლაში, მოსწავლის წარმატებით ამაყობენ და მას წინსვლას უსურვებენ.
„თბილისის N129 საჯარო სკოლა საჯაროდ ულოცავს, ჩვენს საამაყო გოგონას - თამარ ხითარიძეს, ამ დიდი წარმატებას... გილოცავთ! და კიდევ მრავალი წარმატება მოგველოცოს“ - აღნიშნავენ სკოლაში.
იხილეთ ფოტო:
