თენგიზ ფუტკარაძის სახელობის შუახევის მუნიციპალიტეტის სოფელ ტომაშეთის საჯარო სკოლის პროფესიონალი მასწავლებლები მოსწავლეთა ცოდნის გაღრმავებასა და მოტივირებაზე ზრუნავენ. 

ამ მიზნით, სკოლაში არაერთი აქტივობა იმართება. პედაგოგები უდიდეს ყურადღებას აქცევენ იმასაც, რომ მოსწავლეებმა საქართველოს უახლესი ისტორიის შესახებ ბევრი იცოდნენ. ამის დასტურია ისიც, რომ სოხუმის დაცემის დღეს აქტივობები მიეძღვნა.

ამასთან დაკავშირებით, მოსწავლეებმა ინფორმაცია მოიძეს, დაახარისხეს და თემატური პრეზენტაცია მოამზადეს. როგორც სკოლაში ამბობენ, მათ ყურადღება საქართველოში რუსულ აგრესიაზე გაამახვილეს.