მცხეთის მუნიციპალიტეტის სოფელ ქსოვრისის საჯარო სკოლაში მედიაწიგნიერების კვირეული გაიმართა.
სკოლაში, კვირეულის ფარგლებში, დაწყებითი საფეხურის (I-IV) კლასის მასწავლებელმა - თამუნა ლოხიშვილმა 1-ელ კლასში პროექტი - „ინფორმაციის სამყაროში“ ჩაატარა.
პროექტის ფარგლებში, მოსწავლეებმა მედიაწიგნიერების ძირითადი არსი გაიაზრეს, ნამდვილი და ყალბი ინფორმაციის არსებობაზე იმსჯელეს და განიხილეს თუ რა გზებით ხდება მათი გადამოწმება.
პროექტის ბოლო ეტაპზე მოსწავლეებმა შეასრულეს როლური თამაშები, სადაც თავად იყვნენ ინფორმაციის გამავრცელებლები და სხვადასხვა წყაროებთან მისი გადამამოწმებელნი.
აქტივობაში ისინი დიდი მონდომებით, ინტერესითა და ხალისით მონაწილეობდნენ.
აღსანიშნავია, რომ მსგავსი აქტივობები მათ საჭირო ცოდნას სძენს, რაც მათ მომავალში დაემხარება.
იხილეთ ფოტო-ვიდეომასალა:
