ოზურგეთის მუნიციპალიტეტის სოფელ თხინვალის საჯარო სკოლაში მოსწავლეთა მოტივაციის ამაღლებასა და შემოქმედებითი უნარების განვითარებას მნიშვნელოვანი ყურადღება ექცევა.
სწორედ, ამიტომ ბავშვები თავიან პედაგოგებთან ერთად სხვადასხვა საინტერესო შემოქმედებით აქტივობებში ერთვებიან.
ამჯერად, მე-3 კლასის მოსწავლეებმა და მათმა ხელმძღვანელმა - ნინო თავბერიძემ, როგორც სკოლაში გვიყვებიან, შემოდგომის ლამაზი ფერებით გაალამაზეს საკლასო ოთახი.
„მოსწავლეებმა ნინო მასწავლებელთან ერთად ფერადი ფოთლებით შექმნეს საინტერესო კომპოზიციები. საკლასო ოთახში მოწყობილ კუთხეში მოთავსებული იყო ნაირ-ნაირი ხილი და შემოდგომის ნუგბარი - ასეთია გურიაში შრომისა და ბუნების დღესასწაული“, - აღნიშნავენ სკოლაში.
აქტივობაში ბავშვები დიდი მონდომებითა და ხალისით ჩაერთნენ. მესამეკლასელებმა შემოქმედებითი შესაძლებლობები შესანიშნავად წარმოაჩინეს.
აღსანიშნავია, რომ მსგავსი აქტივობები ბავშვების მრვალმხრივ განვითარებას ხელს უწყობს.
იხილეთ ფოტოები:
