ნაესაკოვოს საჯარო სკოლის დირექტორად სამეურვეო საბჭომ მზია მელიქიშვილი აირჩია
25-10-2023
აბაშის მუნიციპალიტეტის სოფელ ნაესაკოვოს საჯარო სკოლაში დირექტორის არჩევნები ჩატარდა.
სკოლის სამეურვეო საბჭომ სკოლის ხელმძღვანელად აირჩია განათლების სამინისტროს წარდგენილი კანდიდატი - მზია მელიქიშვილი.
აღსანიშნავია, რომ სკოლას დღემდე ხელმძღვანელობდა ეკატერინე კაცაძე, რომელიც ამჟამად ამავე სკოლაში მოღვაწეობას პედაგოგად აგრძელებს.
შეგახსენებთ, რომ სამეურვეო საბჭო სიითი შემადგენლობის უმრავლესობით 6 წლის ვადით ირჩევს სკოლის დირექტორს, რომელსაც რეგისტრაციაში ატარებს განათლების მართვის საინფორმაციო სისტემა.
სამეურვეო საბჭო კი შედგება მშობლებისა და პედაგოგიური საბჭოს მიერ თანაბარი რაოდენობით, 3 წლით არჩეული არანაკლებ 6 და არაუმეტეს 12 წარმომადგენლისაგან და საშუალო საფეხურის მოსწავლეთა თვითმმართველობის მიერ არჩეული ერთი წევრისგან.
იხილეთ ფოტო:
სკოლების სიახლეები
