სერგეი მესხის სახელობის რიონის საჯარო სკოლის წარმატებული მეათეკლასელები - ადა ტუკვაძე და ლუკა მამრიკიშვილი, რომელთაც ზოგადი განათლების საბაზო საფეხური წარჩინებით დაასრულეს, კომპიუტერებით დაჯილდოვდნენ.
განათლებისა და მეცნიერების სამინისტროს წამახალისებელი საჩუქარი, მოსწავლეებს პროგრამის - „ჩემი პირველი კომპიუტერი“ ფარგლებში, წყალტუბოს მერმა - გენადი ბალანჩივაძემ, წყალტუბოს საკრებულოს თავმჯდომარე თეიმურაზ ჭეიშვილმა და საგანმანათლებლო რესურსცენტრის დირექტორმა - მამუკა ჩხეტიანმა გადასცეს.
სკოლაში მოსწავლეებს სწავლაში მიღწეულ წარმატებას ულოცავენ და შემდგომ წარმატებას უსურვებენ.
„ვულოცავთ ჩვენ საამაყო მოსწავლეებს წარმატებებს და ვუსურვებთ ღირსეულ მომავალს! ჩვენ გვჯერა თქვენი!“,- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
