დედოფლისწყაროს მუნიციპალიტეტის სოფელ არხილოსკალოს საჯარო სკოლაში, X კლასის მოსწავლეების ორგანიზებით, ვიქტორინა - „მოგზაურობა ცოდნის სამყაროში“ გაიმართა.

ვიქტორინაში მონაწილეობდნენ VII, VIII და IX კლასის მოსწავლეები. ვიქტორინის წარმატებით ჩატარებაში აქტიური წვლილი მიუძღვით სკოლის დირექტორს - მაია სიმონიძეს და ღონისძიების ობიექტურ ჟიურის, რომელიც დაკომპლექტებული იყო სკოლის მასწავლებლებით.

ღონისძიება ძალიან საინტერესოდ წარიმართა, გამოვლინდა გამარჯვებული გუნდი - დაკომპლექტებული მე-7 კლასის მოსწავლეებით, რომლის წევრებსაც გადაეცათ საჩუქარი და სიგელები.

ღონისძიების დასასრულს დამსწრე საზოგადოებამ მადლობა გადაუხადა ორგანიზატორებს და მონაწილეებს ასეთი საზრიანი და საინტერესო ღონისძიების განხორციელებისათვის.