სენაკის მუნიციპალიტეტის სოფელ ეკის საჯარო სკოლაში დირექტორის არჩევნები ჩატარდა.
სამეურვეო საბჭომ სკოლის ხელმძღვანელად არსებული დირექტორი ლელა სიჭინავა აირჩია.
ლელა სიჭინავა სკოლას მეორე ვადით უხელმძღვანელებს.
სასკოლო საზოგადოება დირექტორს არჩევნებში გამარჯვებას ულოცავს და უსურვებს კვლავ ისეთივე წარმატებით წარუძღვეს სკოლის საკეთილდღეო საქმეს როგორც დღემდე.
„სენაკის მუნიციპალიტეტის სოფელ ეკის საჯარო სკოლა ულოცავს ქალბატონ ლელა სიჭინავას დირექტორად მეორე ვადით არჩევას და უსურვებს წარმატებებს საქმიანობაში“,- ვკითხულობთ მისალოც წერილში.
შეგახსენებთ, რომ საბჭო სიითი შემადგენლობის უმრავლესობით 6 წლის ვადით ირჩევს სკოლის დირექტორს, რომელსაც რეგისტრაციაში ატარებს განათლების მართვის საინფორმაციო სისტემა.
სამეურვეო საბჭო კი შედგება მშობლებისა და პედაგოგიური საბჭოს მიერ თანაბარი რაოდენობით, 3 წლით არჩეული არანაკლებ 6 და არაუმეტეს 12 წარმომადგენლისაგან და საშუალო საფეხურის მოსწავლეთა თვითმმართველობის მიერ არჩეული ერთი წევრისგან.
იხილეთ ფოტოები:
