„ჩვენ კალიგრაფიის მარგალიტები ვართ!“ - ჭალადიდის საჯარო სკოლის მე-4 კლასელებისთვის ლამაზად წერის კონკურსი ჩატარდა
24-10-2023
ხობის მუნიციპალიტეტის სოფელ ჭალადიდის საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეებს მოტივაციის ამაღლებისა და საგაკვეთილო პროცესის გამრავალფეროვნების მიზნით, საინტერესო კონკურსებსა და აქტივობებს სთავაზობენ.
ამჯერად, მე-4 კლასში, პედაგოგ ლუიზა ფირცხელავას ხელმძღვანელობით კალიგრაფიის კონკურსი - „ჩვენ კალიგრაფიის მარგალიტები ვართ!“ ჩატარდა.
კონკურსზე მოსწავლეებმა კალიგრაფიული ნიჭი და შესაძლებლობები წარმოაჩინეს.
„გამოვლინდა გამარჯვებული მოსწავლეები, საუკეთესო ნამუშევრები კი „ყოჩაღების“დაფაზე გამოიკრა“, - გვეუბნებიან სკოლაში.
როგორც სკოლაში აღნიშნავენ, კონკურსი მიზნად, ლამაზად წერის პოპულარიზაციას ისახავდა.
აღსანიშნავია, რომ სკოლაში მოსწავლეთა მრავალმხრივ განვითარებას მნიშვნელოვანი ყურადღება ექცევა.
იხილეთ ფოტოები:
სკოლების სიახლეები
