„წიგნი და შემოდგომის სიმფონია“ - ბათუმის N8 სკოლის ბიბლიოთეკაში მესამეკლასელებმა ხელნაკეთი წიგნების გამოფენა მოაწყვეს
24-10-2023
ბათუმის N8 საჯარო სკოლაში მოსწავლეთა წიგნიერების დონის ამაღლებას დიდი ყურადღება ექცევა. პედაგოგები ბავშვებს კითხვის მიმართ ინტერესს დაწყებითი კლასებიდანვე უღვივებენ. სწორედ ამიტომ, ისინი სკოლის ბიბლიოთეკას ხშირად სტუმრობენ.
ამჯერად, ბიბლიოთეკას მე-3 ბ კლასის მოსწავლეები დამრიგებლის - ლეილა ღვინტიძის ხელმძღვანელობით ეწვივნენ.
გაკვეთილის თემა: „წიგნი და შემოდგომის სიმფონია“ გახლდათ. მესამეკლასელები საინტერესო ნაწარმოებებს გაეცნენ, შემოდგომაზე ლექსები წაიკითხეს და ცოდნა ერთმანეთს გაუზიარეს.
„მოსწავლეები მოეფერნენ წიგნსა და შემოდგომას“, - აღნიშნავენ სკოლაში.
მათ ასევე ხელნაკეთი წიგნების გამოფენა მოაწყვეს და შემოქმედებითი უნარები წარმოაჩინეს.
აქტივობაში ისინი დიდი მონდომებითა და ხალისით მონაწილეობდნენ.
აღსანიშნავია, რომ სკოლაში მოსწავლეთა მოტივაციის ამაღლების მიზნით, საინტერესო აქტივობები ტარდება.
იხილეთ ფოტოები:
სკოლების სიახლეები
