ბათუმის N8 საჯარო სკოლაში მასწავლებლების ღვაწლი და შრომა, რომელსაც მოსწავლეთა განათლებაში დებენ დაფასებულია.
სწორედ ამიტომ, სკოლაში მასწავლებელთა საერთაშორისო დღე ყურადღების მიღმა არ დარჩენილა.
სკოლის მე-5 ზ კლასის მოსწავლეებმა, რომელთა დამრიგებელი ნანა მალაყმაძე გახლავთ, ამ დღეს ღონისძიება მიუძღვნეს.
მეხუთეკლასელებმა მასწავლებლის პროფესიის შესაძებ ისაუბრეს, აღნიშნეს ის შრომა, რომელსაც ისინი დებენ მათ განათლებაში და მადლობა გადაუხადეს.
„მოსწავლეები აღმზრდელებს თბილი სიტყვებით მოეფერნენ და ეს დღე მათ ლექსებითა და სიმღერებით მიულოცეს“, - აღნიშნავენ სკოლაში.
აქტივობაში ბავშვები ხალისითა და ინტერესით მონაწილეობდნენ.
შეგახსენებთ, რომ 5 ოქტომბერი მასწავლებელთა საერთაშორისო დღეა. ამ დღეს მსოფლიოს 100-ზე მეტ ქვეყანაში აღნიშნავენ. ამ დღის მთავარი მიზანია მასწავლებელთა მხარდაჭერა, ღვაწლის დაფასება და მადლობის გადახდა საზოგადოებაში შეტანილი მნიშვნელოვანი წვლილისთვის.
იხილეთ ფოტოები:
