ქუთაისის N13 სკოლის წარჩინებული მოსწავლეები - იაჰორ დვარაკოუსკი და ამირან გაბუნია კომპიუტერებით დასაჩუქრდნენ
23-10-2023
ქუთაისის N13 საჯარო სკოლის X კლასის წარჩინებული მოსწავლეები - იაჰორ დვარაკოუსკი და ამირან გაბუნია პროგრამის - „ჩემი პირველი კომპიუტერი“ ფარგლებში დაჯილდოვდნენ.
ზოგადი განათლების საბაზო საფეხურის წარჩინებით დასრულებისთვის მოსწავლეებს პორტაბელური კომპიუტერები გადაეცათ.
სკოლაში მოსწავლეებს დამსახურებული ჯილდოს მიღებას ულოცავენ, განათლებისა და მეცნიერების სამინისტროს კი წამახალისებელი საჩუქრისთვის მადლობას უხდიან.
„ჩვენი სკოლა ულოცავს საკუთარ აღსაზრდელებს ამ მნიშვნელოვან წარმატებას!
მადლობა, განათლებისა და მეცნიერების სამინისტროს, რომ ყველა ბავშვს აძლევს განათლების მიღების საუკეთესო შესაძლებლობას. მისი სწავლის დაფასების მიზნით კი ასაჩუქრებთ მათ ასეთი მნიშვნელოვანი საჩუქრით“,- აღნიშნავენ სკოლაში.
იხილეთ ფოტოები:
სკოლების სიახლეები
