ნინოწმინდის მუნიციპალიტეტის სოფელ პატარა არაქალის საჯარო სკოლის მოსწავლე ზარინე ვარტანიანი, რომელმაც ზოგადი განათლების საბაზო საფეხური წარჩინებით დაასრულა კომპიუტერით დაჯილდოვდა.
განათლებისა და მეცნიერების სამინისტროს წამახალისებელი საჩუქარი ზარინე ვარტანიანმა პროგრამის - „ჩემი პირველი კომპიუტერი“ ფარგლებში მიიღო.
სკოლაში მოსწავლის წარმატება ახარებთ.
„მიუხედავად მოსწავლეთა მცირე რაოდენობისა, ნინოწმინდის მუნიციპალიტეტის სოფელ პატარა არაქალის საჯარო სკოლის მოსწავლემაც მიიღო კომპიუტერი“,- აღნიშნავენ სკოლაში.
20 ოქტომბერს კი სკოლის დირექტორმა - მელანია ვარტანიანმა, წარჩინებულს მოსწავლეთა თანდასწრებით საზეიმოდ გადაეცა კომპიუტერი, მას დამსახურებული ჯილდო მიულოცა და ამ გზით, როგორც სკოლაში გვეუბნებიან, კიდევ ერთხელ, აუმაღლა მოტივაცია მოსწავლეებს.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
