როგორც სკოლაში გვიყვებიან, მათთან თანამშრომლობა ონლაინ სივრცეში კარგად გამოსდით.
ამჯერად, კი სკოლებმა ერთად განახორციელეს პროექტი - „მოდით გავზარდოთ მეტი მცენარე“, რომლის ხელმძღვანელი ინგლისურის პედაგოგი ნანა ფერაძე გახლდათ.
პროექტში აქტიურად ჩაერთნენ სკოლის მე-6 ბ კლასის მოსწავლეები, რომლის დამრიგებელიც ქეთი ყიფიანია.
„ყოჩაღები ესტუმრენ ზესტაფონში „Gardenia Ekseulidze - იმერულ ეზოს“. მოსწავლეებმა დაათვალიერეს გარე და შიდაინტერიერის მცენარეები, ასევე გაეცნენ ინფორმაციას, თუ რა მნიშვნელობა აქვს მცენარეების არსებობას ჩვენს ეკოსისტემაში“, - გვიყვებიან სკოლაში.
განსაკუთრებული ყურადღება კი, როგორც სკოლაში აღნიშნავენ, გამახვილდა გადაშენების პირას მყოფ კოლხურ ბზაზე. მოსწავლეებმა თავიანთი ხელით გადარგეს ბზა და მათთვის სასურველი მცენარეები ჩარგეს.
ისინი ასევე სხვადასხვა სახის აქტივობაში მონდომებით მონაწილეობდნენ, რაც მათთვის მეტად შემეცნებითი და ნაყოფიერი იყო.
„მადლობა მასპინძლობისთვის, 8-წლიანი პრაქტიკული გამოცდილების მქონე ფლორისტ ავთანდილ ექსეულიძეს. ყველა ბავშვმა შეიძინა მცენარეები, რომლებსაც სახლის პირობებში მოუვლიან და დააკვირდებიან“, - ამბობენ სკოლაში.
აღსანიშნავია, რომ 19 ოქტომბერს ასევე კი ლაო კაის (ვიეტნამი) და სკოლა „ანაბასისის“ სკოლებს შორის გაიმართა სპეციალური ღონისძიება.
როგორც სკოლაში ამბობენ, მასწავლებლებმა და მოსწავლეებმა, Hope Edu English Center-ისა და TBC-ის გარემოსდამცველებმა
ერთმანეთს გაუზიარეს ინფორმაცია გარემოს დაცვის პროექტის შესახებ.
„მსგავსი პროექტები მასწავლებლებსა და მოსწავლეებს აძლევს სასარგებლო გზავნილებს, ქვეყნებს შორის გეოსივრცითი დისტანციის მიუხედავად. მასწავლებლებისა და მოსწავლეების დამაკავშირებელი პროექტები მსოფლიოს სხვადასხვა წერტილში ხსნის უსაზღვრო სასწავლო სივრცეს. პროექტის აქტივობები მოსწავლეებს შესაძლებლობას აძლევს განივითარონ კომუნიკაციის უნარები, თანამშრომლობა, კრეატიულობა, რაც შესაძლებლობას აძლევთ აქტიურად იყვნენ ჩართულნი გარემოსდაცვით ღონისძიებებში“, - აღნიშნავენ სკოლაში.
სტუმრებმა პროექტის მონაწილეებს უდიდესი მადლობა გადაუხადეს ამ შრომისთვის.
„მოსწავლეების აქტივობების, იდეებისა და შემოქმედების გაზიარების შემდგომ, სტუმრებმა პროექტის მონაწილეებს, ქვეყნების მომავალ მფლობელებს, მადლიერება, დაფასება და სიყვარული მიუძღვნეს.
დიდი მადლობა ვიეტნამელ პედაგოგს, ხან ტრანს (Khanh Tran) და სკოლა „ანაბასისის“ პედაგოგს, ნანა ფერაძეს მოსწავლეთა საინტერესო პროექტში ჩართვისათვის“, - ამბობენ სკოლაში.
აღსანიშნავია, რომ სკოლაში მოსწავლეთა მრავალმხრივ განვითარებასა და სხვადასხვა საკითხთან დაკავშირებით ცნობიერების ამაღლებას მნიშვნელოვანი ყურადღება ექცევა.
იხილეთ ფოტოები:
