ოტია იოსელიანის სახელობის ქალაქ წყალტუბოს N1 საჯარო სკოლის პირველკლასელები ქართულ ანბანს დიდი მონდომებითა და ენთუზიაზმით ეუფლებიან. მათ მოტივაციაზე კი მასწავლებლები ზრუნავენ, რომლებიც მოწაფეებს პირველ ასო-ბგერებს საზეიმოდ აცნობენ.
ახლახან, ანბანი Iა კლასში შებრძანდა. „როგორ ელოდნენ ამ დღეს ეს პატარები და ისიც დადგა. ლურჯთვალა იამ შემოანათა დღეს Iა კლასში და პატარებს ქართული ანბანის კარი გაუღო“,- გვიყვებიან სკოლაში.
პედაგოგმა მოსწავლეები მრავალფეროვან საინტერესო და სახალისო აქტივობებში ჩართო და სხვადასხვა სასწავლო რესურსი შესთავაზა. სწავლასმოწყურებულმა პატარებმა კი ანბანეთის ჯადოსნურ სამყაროში თამამად შეაბიჯეს.
„საინტერესო და თავგადასავლებით სავსე მოგზაურობას გისურვებთ ანბანეთში, ჩემო ძვირფასებო!“,- მიმართავს პედაგოგის პირველკლასელებს და საანბანო პერიოდის დაწყებას დიდი სიყვარულით ულოცავს.
იხილეთ ფოტოები:
