ახალქალაქის მუნიციპალიტეტის სოფელ დილისკის N1 საჯარო სკოლაში პროექტებით სწავლება წარმატებით მიმდინარეობს.
დილისკის N1 საჯარო სკოლის კონსულტანტ-მასწავლებელმა წამოიწყო ახალი საინტერესო პროექტი - „გავიცნოთ ჩვენი მხარე“; რომლის ფარგლებში 26 სექტემბერსა და 11 ოქტომბერს მე-9 და მე-5 კლასელები, დამრიგებლებთან და კონსულტანტ-მასწავლებელთან ერთად, ახალქალაქის მხარეთმცოდნეობის მუზეუმს ეწვივნენ.
მუზეუმში დაცულია მხარისთვის დამახასიათებელი ყოფისა (ხალხური ავეჯისა და სამოსელის ნიმუშები, ფარდაგები) და ეთნოგრაფიის მასალები, აგრეთვე არქეოლოგიური გათხრების შედეგად მოპოვებული სხვადასხვა მასალა.
მოსწავლეებმა ექსპონატები ინტერესით დაათვალიერეს. მათთვის მუზეუმში ვიზიტი მეტად შემეცნებითი აღმოჩნდა.
კონსულტანტ-მასწავლებლის თქმით, შემდეგში იგეგმება რეგიონის სხვა მუნიციპალიტეტების გაცნობა, პრეზენტაციების მომზადება და წარდგენა სკოლის სხვა მოსწავლეების წინაშე.
იხილეთ ფოტოები:
