
ვახტანგ გზირიშვილის სახელობის ქალაქ თბილისის N173 საჯარო სკოლის მოსწავლეები, პედაგოგების ხელმძღვანელობით, სხვადასხვა მნიშვნელოვან პროექტში აქტიურად და წარმატებით მონაწილეობენ.
ამჯერად, სკოლაში მე-4ზ კლასის მოსწავლეთა და მთლიანად სკოლის წარმატებას აღნიშნავენ. eTwinning-ის პორტალზე განხორციელებულმა სკოლის პროექტმა ეროვნული ხარისხის ნიშანი მიიღო. აღსანიშნავია, რომ ეს მესამე ხარისხის ნიშანია, რომელიც მე-4ზ კლასის მოსწავლეთა ჩართულობით არაფორმალური განათლების კუთხით სკოლამ დაიმსახურა.
სკოლაში წარმატებით ამაყობენ და პროექტის ავტორსა და eTwining-ის გუნდს მადლობას უხდიან.
„ვულოცავ, ვახტანგ გზირიშვილის სახელობის ქალაქ თბილისის N173 საჯარო სკოლას და მე-4ზ კლასის მოსწავლეებს ამ წარმატებას. ჩვენმა პროექტმა ეროვნული ხარისხის ნიშანი მიიღო.
ასევე, დიდი მადლობა პროექტის ავტორს - რიმა კუპრეიშვილს და eTwining-ის საოცარ გუნდს ქალბატონ ხატია მატკავას ხელმძღვანელობით“,- აღნიშნავენ სკოლაში.
იხილეთ ფოტოები: