ოტია იოსელიანის სახელობის წყალტუბოს N1 საჯარო სკოლა ამაყია გაგვაცნოს წარჩინებული მოსწავლეები, რომლებმაც სწავლაში მიღწეული წარმატებისთვის კომპიუტერები დაიმსახურეს.
წყალტუბოს მუნიციპალიტეტის საკრებულოს თავმჯდომარემ - თეიმურაზ ჭეიშვილმა, მერმა - გენადი ბალანჩივაძემ და საგანმანათლებლო რესურსცენტრის ხელმძღვანელმა -მამუკა ჩხეტიანმა მუნიციპალიტეტის საჯარო სკოლების 40 მეათეკლასელი მოსწავლე საზეიმოდ დააჯილდოვეს და მათ წარმატება უსურვეს.
მოსწავლეებმა ჯილდო, საბაზო საფეხურის წარჩინებით დამთავრებისთვის მოიპოვეს.
წარმატებულ მოსწავლეებს შორის, წყალტუბოს N1 საჯარო სკოლის 8 მოსწავლეა: ლევან ბენიძე, ნიკოლოზ კიკვიძე, ლილე ბენდელიანი, ნიტა თვარაძე, ჯინა ჩავჩიძე, მარიამ კოვზირიძე, ლიზი კეთილაძე და ქრისტინა უგულავა.
სკოლაში, მოსწავლეთა წარმატება ახარებთ და მათ წინსვლას უსურვებენ.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
