დაბა ლენტეხის N1 საჯარო სკოლის წარჩინებული მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს საბაზო საფეხურის წარჩინებით დამთავრებისთვის განათლებისა და მეცნიერების სამინისტროს წამახალისებელი საჩუქარი პორტაბელური კომპიუტერები გადაეცათ.
საბაზო საფეხურის წარჩინებით დამთავრებისათვის ჯილდო 4-მა მოსწავლემ - რატი ლიპარტელიანმა, ნინი მუსელიანმა, თეკლა მეშველიანმა და მარიამ ლიპარტელიანმა - დაიმსახურა.
სკოლის პედაგოგები მოსწავლეებს დამსახურებულ ჯილდოს ულოცავენ და უამრავ წარმატებას უსურვებენ.
აღსანიშნავია, რომ საბაზო საფეხურის წარმატებულ კურსდამთავრებულებს პროგრამის „ჩემი პირველი კომპიუტერის“ ფარგლებში კომპიუტერები საქართველოს განათლებისა და მეცნიერების სამინისტროს ინიციატივით ურიგდებათ. პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგელბობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
