ქუთაისის N20 საჯარო სკოლაში მასწავლებლის პროფესია დაფასებულია. დირექცია მასწავლებლების ღვაწლს, რომელსაც ისინი მოსწავლეთა განათლებაში დებენ ყურადღების გარეშე არ ტოვებენ.
სკოლაში მასწავლებელთა საერთაშორისო დღეც არ დარჩენილა ყურადღების მიღმა. ეს დღე დირექციამ პედაგოგებს დიდი სიყვარულით მიულოცა.
„ყველაზე საინტერესო, საჭირო, რთულ და საპასუხისმგებლო პროფესიის დღეს გილოცავთ! „სკოლის პედაგოგებს აქვთ ძალაუფლება, რომელზეც პრემიერ-მინისტრებს მხოლოდ ოცნება შეუძლიათ“ მუდამ გეხაროთ თქვენი მოსწავლეების წინსვლითა და წარმატებით!“, - აღნიშნავენ სკოლაში.
შეგახსენებთ, რომ 5 ოქტომბერი მასწავლებელთა საერთაშორისო დღეა. ამ დღეს მსოფლიოს 100-ზე მეტ ქვეყანაში აღნიშნავენ. ამ დღის მთავარი მიზანია მასწავლებელთა მხარდაჭერა, ღვაწლის დაფასება და მადლობის გადახდა საზოგადოებაში შეტანილი მნიშვნელოვანი წვლილისთვის.
