თეთრიწყაროს მუნიციპალიტეტის სოფელ ჯვარას საჯარო სკოლას ნიჭიერი და შემოქმედებითი მოსწავლეები ჰყავს. 

ერთ-ერთი მათგანი ნორჩი მხატვარი, მეოთხეკლასელი ნინი გუჯეჯიანია. როგორც სკოლაში ამბობენ, ნინი 5 წლის ასაკიდან ხატავს, მას ნათელი და თბილი ფერები იზიდავს, თუმცა ძალიან კარგად გამოსდის ცივი ფერებით შესრულებული ნახატებიც. 

სწორედ ნინი გუჯეჯიანის გამოფენა გაიმართა კლასში, სადაც სკოლის პედაგოგებსა და მოსწავლეებს უმასპინძლეს. მისმა ნახატებმა ყველა აღაფრთოვანა.

„ნორჩმა შემოქმედმა ნინი გუჯეჯიანმა თავისი ნამუშევრების გამოფენით, პოზიტიური და ამაღლებული განწყობით დამთვალიერებლების მოწონება დაიმსახურა. ნინის მიზანია საკუთარი ნახატებით კიდევ უფრო გაამდიდროს თავისი შემოქმედების ფართო არეალი. სკოლა დიდ წარმატებას უსურვებს ამ მშვენიერ, მონდომებულ და გონიერ გოგონას“,- ამბობენ სკოლაში.