წყალტუბოს მუნიციპალიტეტის სოფელ მუხიანის საჯარო სკოლაში კომპლექსური დავალებებით სწავლება წარმატებით მიმდინარეობს. 

ამჯერად, მათემატიკის საინტერესო კომპლექსურ დავალებაზე მე-2 კლასის მოსწავლეებმა იმუშავეს. კომპლექსური დავალების თემა იყო - „საჩუქარი პირველკლასელებისთვის“. 

სამიზნე ცნება გახლდათ მათემატიკური მოდელი და კანონზომიერება.

როგორც სკოლაში გვიყვებიან, მეორეკლასელებმა კომპლექსურ დავალებაზე მუშაობისას დიდი ინტერესი და მონდომება გამოიჩინეს.

„მათ შექმნეს ისეთი რესურსები, რომლებიც პირველკლასელებს გაუადვილებს 20- მდე რიცხვებსა და მოქმედებებზე საკითხების მარტივად დამახსოვრებასა და გაგებას.

დიდი სიხარულით წარუდგინეს რესურსები პირველკლასელებს. კლასებს შორის თანამშრომლობითი ურთიერთობა შესანიშნავად წარიმართა. მადლობა, ჩემო პატარებო ასეთი აქტიურობისთვის“,- აღნიშნავენ სკოლაში. 

იხილეთ ვიდეო ბმულზე