ზუგდიდის მუნიციპალიტეტის სოფელ ჩხორიის საჯარო სკოლის მოსწავლეები ეკოლოგიაზე ზრუნვით გამოირჩევიან. სკოლაში წარმატებით ფუნქციონირებს ეკოკლუბი „ფესვები“, რომლის წევრებიც უფრთხილდებიან გარემოს და სხვებსაც ამავეს მოუწოდებენ.
დღეს, სკოლაში ეკოკლუბელთა წარმატებას აღნიშნავენ. „ფესვები“ „ნიკო კეცხოველის სასკოლო პრემია -2023-ის ფინალშია.
ეკოკლუბ „ფესვების“ 2022-2023 სასწავლო წლის საქმიანობის შესახებ პრეზენტაციით ჟიურის წინაშე ეკოკლუბელი ნინო არდია და ეკოკლუბის ხელმძღვანელი მზია ქარდავა წარდგნენ. მათი საქმიანობა კი დამსახურებულად აღინიშნა.
სკოლაში ეკოკლუბის წარმატება ახარებთ და მათ წინსვლას უსურვებენ.
„ჩხორიის საჯარო სკოლის დირექცია და პედაგოგები ვულოცავთ ეკოკლუბელებს ამ დიდ მიღწევას და ვუსურვებთ მორიგ წარმატებებს“,- აღნიშნავენ სკოლაში.
იხილეთ ფოტოები:
