ოტია იოსელიანის სახელობის ქალაქ წყალტუბოს N1 საჯარო სკოლის პედაგოგებმა მასწავლებელთა საერთაშორისო დღე ორიგინალურად აღნიშნეს.
მათ, დირექტორ - ფაქიზო ფანჩულიძესთან ერთად, ამ დღესთან დაკავშირებით, გოგნის წმინდა გიორგის და ცხრაჯვარის წმინდა სალოცავები მოილოცეს.
„მასწავლებლები წმინდა გიორგის შეევედრნენ, რომ დაიფაროს ჩვენი მოსწავლეები, მშობლები, პედაგოგები და სრულიად საქართველო“, - გვეუბნებიან სკოლაში.
აღნიშნული დღე როგორც სკოლაში გვიყვებიან, ძალიან თბილი და ამაღლებელი იყო.
„მასწავლებლები სულ სხვა ემოციებით დაბრუნდნენ სკოლაში, რომელიც მთელი წელი გაჰყვებათ საგზლად ცხოვრების ამ რთულ და საპასუხისმგებლო გზაზე“, - აღნიშნავენ სკოლაში.
პედაგოგები დირექტორს - ფაქიზო ფანჩულიძეს მადლობას უხდიან, რადგან როგორც თავად აღნიშნავენ, ის ყოველთვის ზრუნავს მასწავლებელთა სულიერ ამაღლებაზე.
იხილეთ ფოტოები:
