თბილისის N36 საჯარო სკოლაში მოსწავლეებს სპორტის სიყვარულს დაწყებითი კლასებიდანვე უნერგავენ. პედაგოგთა ხელმძღვანელობით ბავშვები სხვადასხვა სპორტულ აქტივობასა და ღონისძიებაში დიდი მონდომებით ერთვებიან.
ამჯერად, სკოლაში სპორტის კვირეული ჩატარდა, რომლის ფარგლებში ბავშვები საინტერესო აქტივობებში დიდი სიხარულით მონაწილეობდნენ.
ბავშვებმა სპორტული შესაძლებლობები „მხიარულ სტარტებში“ გამოავლინეს. აღნიშნული კვირეულის დროს გამართულმა აქტივობებმა მოსწავლეებს მოტივაცია აუმაღლა.
შეჯიბრებები მოიცავდა როგორც გუნდურ, ასევე ინდივიდუალურ თამაშებს, რამაც მათ თანამშრომლობითი უნარები კიდევ უფრო განუვითარა.
აღსანიშნავია, რომ ევროპის სასკოლო სპორტის კვირეული საქართველოს მიერ ევროპის ქვეყნებისთვის შეთავაზებული ინიციატივაა, რომლის მიზანია, რაც შეიძლება მეტი ადამიანი ჩაერთოს ფიზიკურ აქტივობებში.
იხილეთ ვიდეო:
