დიდი ჭყონის N1 საჯარო სკოლის დირექტორმა აქტიური მკითხველები სიგელებით დააჯილდოვა
06-10-2023
მარტვილის მუნიციპალიტეტის სოფელ დიდი ჭყონის N1 საჯარო სკოლაში, მოსწავლეთა წიგნიერების დონის ამაღლებას დიდი ყურადღება ეთმობა.
სწორედ კითხვის წახალისების მიზნით, სკოლის დირექტორმა, დავით ნაჭყებიამ კითხვის მოყვარულ მოსწავლეებს სიგელები გადასცა.
დირექტორმა, ის მოსწავლეები დააჯილდოვა, რომლებიც ყველაზე ხშირად სტუმრობდნენ სკოლის ბიბლიოთეკას და სხვადსხვა წიგნის კითხვით იყვნენ დაკავებულნი.
ამ ჟესტით, მოსწავლეებს აუმაღლდათ მოტივაცია - წაიკითხონ მეტი და მეტი, სხვა მოსწავლეებს კი, მიეცათ სტიმული, რომ გააქტიურდნენ.
სკოლაში გააზრებული აქვთ, თუ რამდენად მნიშვნელოვანია კითხვის წახალისება და მოსწავლეებში ლიტერატურისადმი სიყვარულის დანერგვა.
სკოლების სიახლეები
