წალენჯიხის N7 სკოლის პირველკლასელებს მასწავლებელმა ანბანის სწავლის დაწყება დღესასწაულად უქცია
06-10-2023
წალენჯიხის N7 საჯარო სკოლის პირველკლასელებს, მასწავლებელმა - ხათუნა შეროზიამ, ანბანის დღესასწაული მოუწყო.
„ანბანის შემობრძანებას“ - კლასში მრავალფეროვანი აქტივობა მიეძღვნა, რომლის ფარგლებშიც პირველკლასელებმა ქართული ასოების შესწავლა საზეიმო ვითარებაში დაიწყეს.
მასწავლებელმა, საკლასო ოთახი თემატურად, მრავალფეროვანი დეკორაციებით მორთო.
ზეიმში ll -lll- lV კლასის მოსწავლეებიც მონაწილეობდნენ. მათ პირველკლასელებს უმღერეს, ანბანით დაასაჩუქრეს და „ჯადოსნური ყუთი“ შეუტანეს.
როგორც სკოლაში გვიყვებიან, პირველკლასელები გაბრწყინებული თვალებით შეჰყურებდნენ მასწავლებელს.
აღსანიშნავია, რომ საზეიმო გაკვეთილზე დირექტორი - ეკატერინე შანავა მიიწვიეს, რომელმაც პირველკლასელებს ანბანის შემობრძანება მიულოცა, მათ წარმატებები უსურვა და მადლობა გადაუხადა.
იხილეთ ფოტოები:
სკოლების სიახლეები
