ხაშმის საჯარო სკოლაში სპორტულ-გასართობი ღონისძიება გაიმართა
06-10-2023
რევაზ ინანიშვილის სახელობის საგარეჯოს მუნიციპალიტეტის სოფელ ხაშმის საჯარო სკოლა ევროპის სპორტის კვირეულს აქტიურად შეუერთდა.
მასობრივი სპორტული ღონისძიებების კვირეული ქვეყანაში 23 -29 სექტემბრის ჩათვლით მოეწყო.
კვირეულის ფარგლებში, ხაშმის საჯარო სკოლაში არაერთი აქტივობა თუ ღონისძიება გაიმართა. კვირეული კი 29 სექტემბერს სპორტულ-გასართობი შეჯიბრით „მხიარული სტარტები“ დაგვირგვინდა.
მოსწავლეები ერთმანეთს სხვადასხვა სპორტულ თამაშებში შეეჯიბრნენ, იაქტიურეს და შესაძლებლობები წარმოაჩინეს.
აღსანიშნავია, რომ ხაშმის საჯარო სკოლაში სპორტისა და ჯანსაღი ცხოვრების წესის პოპულარიზაცია ერთ-ერთი პრიორიტეტული საკითხია.
იხილეთ ფოტოები:
სკოლების სიახლეები
