ხიზაბავრის საჯარო სკოლის პედაგოგმა „შოთაობის“ სახალხო დღესასწაულთან დაკავშირებით, გამოფენა-გაყიდვა მოაწყო
05-10-2023
ასპინძის მუნიციპალიტეტის სოფელ ხიზაბავრის საჯარო სკოლაში სასწავლო წელი წარმატებით დაიწყო. მოსწავლე-მასწავლებლებმა „შოთაობის“ სახალხო დღესასწაული აღნიშნეს.
სკოლის ბიოლოგიის მასწავლებელმა ლ.დათაშვილმა აღნიშნულ დღესასწაულზე ოთახის ყვავავილების გამოფენა-გაყიდვა მოაწყო, რომელშიც მოსწავლეები ხალისით მონაწილეობდნენ.
„საქველმოქმედო გამოფენა-გაყიდვაზე შემოსული თანხით პედაგოგმა შეიძინა ყვავილების ქოთნები, რაშიც განთავსდება ოთახის ყვავილები და გაალამაზებს სკოლის სივრცეს“, - გვიყვებიან სკოლაში.
ეს დღე ხალისიანი, საინტერესო და ნაყოფიერი იყო გამოფენაში მონაწილე თითოეული ადამიანისთვის.
შეგახსენებთ, რომ „შოთაობის“ დღესასწაული სამცხე ჯავახეთის მხარეში 1966 წლიდან აღინიშნება.
იხილეთ ფოტოები:
სკოლების სიახლეები
