ვანის მუნიციპალიტეტის სოფელ ტობანიერის საჯარო სკოლაში ღირსეულ მოქალაქეებს ზრდიან და მათ საგნების გარდა, კაცთმოყვარეობასა და გულმოწყალებას ასწავლიან.
ტობანიერის საჯარო სკოლის მე-6, მე-7 კლასის მოსწავლეებმა დამრიგებლების - შორენა ოჩხიკიძისა და ლენა ფაილაძის ხელმძღვანელობით, საქველმოქმედო ღონისძიება მოაწყვეს.
„აკეთო სიკეთე უფლისგან ბოძებული ნიჭია. სიკეთე ყველაზე დიდი სილამაზეა, რაც შეიძლება ადამიანს გააჩნდეს“,- აღნიშნავენ სკოლაში და დასძიენენ, რომ ტობანიერის საჯარო სკოლის მოსწავლეები ამ მხრივ ნამდვილად გამოირჩევიან.
წლების მანძილზე მათ არაერთი ქველმოქმედება განახორციელეს. ერთ-ერთი მსგავსი ღონისძიება სადამრიგებლო საათის ფარგლებში დამრიგებლების - შორენა ოჩხიკიძისა და ლენა ფაილაძის ხელმძღვანელობით, მოსწავლეთა და მშობელთა აქტიური მონაწილეობით სულ ახლახანს განხორციელდა.
„სადამრიგებლო საათის ფარგლებში განსახილველი თემა იყო - „ვისწავლოთ სიკეთით ცხოვრება“. გაიმართა პრეზენტაცია-დისკუსია სიკეთისა და ქველმოქმედების არსის შესახებ ....ბავშვებმა ისაუბრეს რა დატვირთვა და მნიშვნელობა აქვს ქველმოქმედებას - სიკეთეს. აღნიშნეს, თუ როგორ შეიძლება მცირედი შესაწირით ადამიანს აგრძნობინო თანადგომა/თანაგრძნობა და თუნდაც ერთი დღით გაულამაზო ცხოვრება, აგრძნობინო, რომ ის მარტო არ არის დედამიწის ზურგზე და მომავლის იმედი ჩაუსახო . გაკვეთილზევე დაიგეგმა საქველმოქმედო ღონისძიება. საორგანიზაციო საკითხების მოგვარების მიზნით, საჭირო გახდა მშობელთა კრების მოწვევა. შეგროვდა საჭირო ნივთები და ბავშვებმა მშობლებთან ერთად ერთ-ერთი მრავალშვილიანი ოჯახი მოინახულეს“,- გვიყვებიან სკოლაში.
იხილეთ ფოტოები:
