ნაბახტევის საჯარო სკოლის მოსწავლეებმა დასუფთავების აქცია გამართეს
04-10-2023
ხაშურის მუნიციპალიტეტის სოფელ ნაბახტევის საჯარო სკოლის მოსწავლეები გარემოსდაცვითი საქმიანობით გამოირჩევიან.
სკოლის მე-7 კლასის მოსწავლეები, კლასის ხელმძღვანელ მაია რიჟამაძესთან ერთად, დასუფთავების მსოფლიო დღის აღნიშვნას შეუერთდნენ დევიზით - „სუფთა რეგიონი“.
როგორც სკოლაში გვიყვებიან, მე-7კლასის მოსწავლეებმა სოფლის ტაძრის მიმდებარე ტერიტორიისა და მოსახლეობის თავშეყრის ადგილების დასუფთავების სურვილი გამოთქვეს. შერჩეული ტერიტორია ნარჩენებისგან გაწმინდეს და სხვებსაც გარემოს დაცვისკენ მოუწოდეს.
„თვალსაჩინო ადგილას გამოვაკარით მოწოდებები - გარემოს სისუფთავის დაცვისა და “სუფთა რეგიონისთვის“,- აღნიშნავენ მოსწავლეები.
იხილეთ ფოტოები:
სკოლების სიახლეები
