წალენჯიხის N6 საჯარო სკოლაში სპორტის კვირეული ჩატარდა
03-10-2023
წალენჯიხის N6 საჯარო სკოლა ევროპის სპორტის კვირეულს აქტიურად შეუერთდა.
სკოლაში, სპორტის მასწავლებლის - ნანა ღვინჯილიას ხელმძღვანელობით, დაიგეგმა და 25-29 სექტემბერს ჩატარდა სპორტის კვირეული.
პედაგოგმა დაწყებითი და საბაზო საფეხურის მოსწავლეებისთვის სპორტის სხვადასხვა სახეობაში შეჯიბრებები მოაწყო. გაიმართა შეჯიბრი მინიფეხბურთში, მაგიდის ჩოგბურთში, ბადმინტონსა და კალათბურთში.
კვირეული დასრულდა სპორტულ-გასართობი ღონისძიებით - „მხიარული სტარტები“. ღონისძიებაში მონაწილეობდა ორი გუნდი: „ქარიშხალა“ და „ქორები“.
აქტივობა „ქარიშხალას“ გამარჯვებით დასრულდა. გუნდს გარდამავალი თასი გადაეცა.
სკოლის დირექცია, მადლობას უხდის კვირეულის ავტორს და თითოეულ მონაწილეს.
იხილეთ ფოტოები:
სკოლების სიახლეები
