აკაკი ჩხენკელის სახელობის ხონის N2 საჯარო სკოლის სამოქალაქო კლუბ - „ფენიქსის“ წევრები კლიმატის ცვლილებებისასდმი მიძღვნილ კვირეულში საინტერესო აქტივობებით ჩაერთნენ.
ამჯერად, სკოლაში, რიგით მეორე აქტივობა მოეწყო, რომლის მიზანიც სასკოლო საზოგადოების ეკოცნობიერების ამაღლება გახლდათ.
კლუბის წევრები დიდი კუხის საჯარო სკოლას ესტუმრნენ, სადაც მოსწავლეებმა ერთობლივად დაამზადეს: პოსტერები, პლაკატები, მოიფიქრეს გზავნილები, სლოგანები. მოსწავლეებმა ასევე, ერთმანეთს თავიანთი მოსაზრებები გაუზიარეს და აღნიშნული თემის ირგვლივ საინტერესო მსჯელობა მოაწყვეს.
როგორც სკოლაში გვიყვებიან, შეხვედრა საინტერესოდ და პროდუქტიულად წარიმართა. დამზადებული რესურსები მოსწავლეებმა სკოლაში გამოფინეს და ამ გზით სასკოლო თემის ინფორმირება შეძლეს.
აღსანიშნავია, რომ აქტივობები განხორციელდა სამოქალაქო განათლების პროგრამის ფარგლებში.
იხილეთ ფოტოები:
