ჩოხატაურის მუნიციპალიტეტის სოფელ ბუკისციხის საჯარო სკოლის მოსწავლეები სპორტულ ღონისძიებებსა და აქტივობებში მონდომებით მონაწილეობენ.
ისინი ასევე აქტიურად ჩაერთნენ ევროპის სპორტის კვირეულში, რომელიც სპორტულ-გასართობი ღონისძიებით - „მხიარული სტარტებით“ დაასრულეს.
აქტივობაში ბავშვები დიდი მონდომებით, ინტერესითა და ხალისით მონაწილეობდნენ.
„მოსწავლეებისა და მასწავლებლების თავდადებული შრომის შედეგად დღე ძალიან მხიარული, ნაყოფიერი და სახალისო გამოვიდა“, - გვიყვებიან სკოლაში.
ევროპის სპორტის კვირეული არის, ევროკავშირის ქვეყნებისა და ევროსაბჭოს ოთხი ქვეყნის ჩართულობით ორგანიზებული, მასობრივი სპორტული ღონისძიებების კვირეული. ევროპის სპორტის კვირეულის მონაწილეთა 90%, როგორც ევროპის ქვეყნებში, ისე საქართველოში არიან სკოლები, მოსწავლეები და პედაგოგები.
აღსანიშნავია, რომ სკოლაში სპორტის პოპულარიზაციასა და ჯანსაღი ცხოვრების წესის დამკვიდრებას მნიშვნელოვანი ყურადღება ექცევა.
იხილეთ ფოტოები:
