ქუთაისის N16 საჯარო სკოლის წარჩინებული მოსწავლეები კომპიუტერებით დაჯილდოვდნენ
02-10-2023
ქუთაისის N16 საჯარო სკოლის X კლასის მოსწავლეები - ბარბარე გიგაშვილი, ნია ბენდელიანი, ანანო ხურციძე და შალვა ლიკლიკაძე საბაზო საფეხურის წარჩინებით დამთავრებისთვის კომპიუტერები გადაეცათ.
მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
სკოლაში მოსწავლეთა წარმატება ახარებთ და მათ შემდგომ წარმატებას უსურვებენ. განსაკუთრებით საამაყოა პედაგოგ ლალი მილორავასთვის სადამრიგებლო ჯგუფის წარმატება.
„უფალმა გვიმრავლოს წარჩინებული და სასახელო მოსწავლეები!“,- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
სკოლების სიახლეები
