ოზურგეთის N3 საჯარო სკოლას ორი წამყვანი მასწავლებელი შეემატა
29-09-2023
ოზურგეთის N3 საჯარო სკოლის ორი მასწავლებელი 2023-2024 სასწავლო წელს პროფესიული წინსვლით შეხვდა.
მასწავლებლებმა - ნონა ბერაძემ და ანა ანდღულაძემ წამყვანის სტატუსი მოიპოვეს. მასწავლებელთა პროფესიული განვითარების ეროვნული ცენტრის სპეციალურმა კომისიამ მათი პედაგოგიური საქმიანობის ნაწილი დადებითად შეაფასა.
სკოლაში პედაგოგებს პროფესიულ წინსვლას ულოცავენ და შემდგომ წარმატებას უსურვებენ.
შეგახსენებთ, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
სკოლების სიახლეები
