
ყვარლის მუნიციპალიტეტის სოფელ სარუსოს საჯარო სკოლაში ენერგიულად და პოზიტიურად დაიწყო სასწავლო წელი.
სკოლას წამყვანი მასწავლებელი შეემატა. სკოლის ქართული ენისა და ლიტერატურის მასწავლებელმა - მაია ბურდიაშვილმა წამყვანის სტატუსი მოიპოვა. მასწავლებელთა პროფესიული განვითარების ეროვნული ცენტრის სპეციალურმა კომისიამ მისი პედაგოგიური საქმიანობის ნაწილი დადებითად შეაფასა.
სკოლაში პედაგოგს პროფესიულ წინსვლას ულოცავენ და შემდგომ წარმატებას უსურვებენ.
შეგახსენებთ, რომ მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.