27 სექტემბერს, სოხუმის დაცემის დღესთან დაკავშირებით, ქარელის მუნიციპალიტეტის სოფელ ზემო ხვედურეთის საჯარო სკოლის დაწყებითი კლასის მოსწავლეებმა პატივი მიაგეს აფხაზეთის ომში დაღუპულ გოჩა ელბაქიძის ხსოვნას.
გოჩა ელბაქიძე იყო ზემო ხვედურეთის მკვიდრი და ამავდროულად სკოლის ყოფილი, ღვაწლმოსილი პედაგოგის - ეთერ აკოფაშვილის შვილი. ოჯახს მიღებული აქვს ბევრი მადლობა გოჩას სახელზე, იგი დაჯილდოებული იყო ვახტანგ გორგასლის II ხარისხის ორდენით.
ბავშვებმა ყვავილებით შეამკეს გმირის საფლავი და წაიკითხეს პატრიოტული თემატიკის ლექსები.
ღონისძიებას დაესწრო სკოლის დირექტორი ბატონი არჩილ სადუნაშვილი, რომელიც ბავშვების გოჩას გმირული ბრძოლის შესახებ მოუყვა. ღონისძიებაში ასევე აქტიურად იყვენენ ჩართულნი დაწყებითი კლასის პედაგოგები - მზია ჯავახიშვილი, ნანი კარელიძე, შორენა საბანაძე, ქეთინო გეგელაშვილი, სოფო მსხალაძე. ციური სადუნაშვილი.
იხილეთ ფოტოები:
