ტეზრის საჯარო სკოლის მოსწავლე ელენე ორაშვილი საბაზო საფეხურის წარჩინებით დასრულებისთვის კომპიუტერით დაჯილდოვდა
28-09-2023
ხაშურის მუნიციპალიტეტის სოფელ ტეზრის საჯარო სკოლის მოსწავლე ელენე ორაშვილს სწავლაში მიღწეული წარმატებისთვის კომპიუტერი გადაეცა.
აღსანიშნავია, რომ მოსწავლე, განათლებისა და მეცნიერების სამინისტროს პროექტის - „ჩემი პირველი კომპიუტერის“ ფარგლებში დაჯილდოვდა.
სკოლაში, მოსწავლეს დიდი სიამაყით ულოცავენ მიღწეულ წარმატებას და მას წინსვლას უსურვებენ.
„ჩვენი სკოლის საამაყო მოსწავლეს - ელენე ორაშვილს ვულოცავთ საბაზო საფეხურის წარჩინებით დასრულებას და დამსახურებულ ჯილდოს!“, - აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
სკოლების სიახლეები
