ახალქალაქის მუნიციპალიტეტის სოფელ ბეჟანოს საჯარო სკოლის Vl კლასში მუსიკის მეტად საინტერესო გაკვეთილი ჩატარდა.
აღსანიშნავია, რომ მუსიკის პედაგოგი სკოლის დირექტორის მოვალეობის შემსრულებელი იურა იაილოიანი გახლავთ, რომელმაც მოსწავლეებს საინტერესო და მრავალფეროვანი აქტივობები შესთავაზა.
როგორც სკოლაში გვიყვებიან, გაკვეთილმა მეტად საინტერესოდ ჩაიარა. მასწავლებელი ჯგუფური დავალებებითა და საინტერესო აქტივობის გამოყენებით სრულყოფილად გავიდა შედეგზე.
კლასის სამმა ჯგუფმა, მუსიკის თანხლებით და ქორეოგრაფიული მოძრაობებით, დრამატურგიული და იუმორისტული ნომრები წარადგინეს.
გაკვეთილის ბოლოს, მოსწავლეებმა ურთიერთთანამშრომლობისა და თვითშეფასების საფუძველზე, საუკეთესო ნომერი და როლის საუკეთესო შემსრულებელი ამოარჩიეს.
გაკვეთილი სახალისო და დასამახსოვრებელი აღმოჩნდა მოსწავლეებისთვის.
იხილეთ ფოტოები:
