შინდისის საჯარო სკოლის ექვსი მოსწავლე წარჩინებით სწავლისთვის კომპიუტერით დაჯილდოვდა
27-09-2023
გორის მუნიციპალიტეტის სოფელ შინდისის საჯარო სკოლის ექვსი წარჩინებული მოსწავლე პროგრამის - „ჩემი პირველი კომპიუტერი“ ფარგლებში დაჯილდოვდა.
სწავლაში მიღწეული წარმატებისთვის 2022-2023 სასწავლო წლის საბაზო საფეხურის წარჩინებულ კურსდამთავრებულებს - ანა საბანაძეს, მარიამ მაზმიშვილს, გიორგი ნოზაძეს, ქეთევან სანებლიძეს, ლიკა გულიშვილსა და იოსებ თვალიაშვილს პორტაბელური კომპიუტერები გადაეცათ.
სკოლაში მოსწავლეთა წარმატება ახარებთ, მათ მიღწეულ შედეგს ულოცავენ და ახალი მწვერვალების დაპყრობას უსურვებენ.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტო:
სკოლების სიახლეები
