სატივის საჯარო სკოლის წარჩინებული მოსწავლეები - ნიკა კვინიკაძე და ანი ტატანაშვილი პორტაბელური კომპიუტერებით დაჯილდოვდნენ
27-09-2023
ხაშურის მუნიციპალიტეტის სოფელ სატივის საჯარო სკოლის ორი წარჩინებული მოსწავლე საქართველოს განათლებისა და მეცნიერების სამინისტროს პროგრამის - „ჩემი პირველი კომპიუტერი“ ფარგლებში, დაჯილდოვდნენ.
სწავლაში მიღწეული წარმატებისთვის - ნიკა კვინიკაძესა და ანი ტატანაშვილს პორტაბელური კომპიუტერები გადაეცათ.
სკოლაში მოსწავლეებს მიღწეულ შედეგს ულოცავენ და ახალი მწვერვალების დაპყრობას უსურვებენ.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტო:
სკოლების სიახლეები
