ლაგოდეხის მუნიციპალიტეტის სოფელ ჭიაურის საჯარო სკოლის მოსწავლე-მასწავლებლებმა ახალი სასწავლო წელი წარმატებით დაიწყეს.

პედაგოგები მოსწავლეების დასახვედრად განსაკუთრებული მონდომებით ემზადებოდნენ და იზრუნეს, რომ სასწავლო წლის პირველი დღე მათთვის დაუვიწყარ მოგონებად ექციათ. ისინი ერთმანეთს ამ მნიშვნელოვან დღეს ულოცავნდნენ და წარმატებას უსურვებდნენ. 

სასკოლო საზოგადოების წარმომადგენლებმა სამახსოვრო ფოტოებიც გადაიღეს და დრო სასიამოვნოდ გაატარეს. დიდი სიყვარულით მიიღეს პირველკლასელები, რომელთაც კუთვნილი კომპიუტერები და წიგნები გადაეცათ.