სიღნაღის მუნიციპალიტეტის სოფელ ძველი ანაგის საჯარო სკოლაში სასწავლო წელი წარმატებით დაიწყო.
სწავლასმოწყურებული მოსწავლეები სასწავლო პროცესში ხალისითა ჩაერთნენ. ამაზე კი პედაგოგებმა იზრუნეს და მოსწავლეებს მეტად საინტერესო აქტივობები შესთავაზეს.
მათ შორის, სკოლის მასწავლებლებმა მარიამ ბასილაშვილმა და შორენა ჯანიბეგაშვილმა თემაზე- „იმპრესიონიზმი ქართულ მწერლობასა და ხელოვნებაში“ მეცხრე კლასში ჩაატარეს ინტეგრირებული გაკვეთილი. გაკვეთილი წარმოადგენდა ქართულ ლიტერატურაში კომპლექსური დავალების ერთ-ერთ ეტაპს.
მეცხრეკლასელთა უშუალო ჩართულობით საგაკვეთილო პროცესი სახალისოდ და აქტიურად წარიმართა.
მოსწავლეები დაინტერესდნენ და შეუდგნენ მომზადებას კომპლექსური დავალების შემდგომი ეტაპებისთვის.
გაკვეთილს სკოლის დირექტორი ნინო ღვედაშვილი ესწრებოდა.
იხილეთ ფოტოები:
