ხაშურის N4 საჯარო სკოლის ექვსი მოსწავლე სწავლაში მიღწეული წარმატებისთვის დაჯილდოვდა.
2022-2023 სასწავლო წლის საბაზო საფეხურის წარჩინებულ კურსდამთავრებულებს - სანდრო მურჯიკნელს, გიორგი მჭედლიძეს, ქეთი ჩიტაძეს, მარიამ მინასიანს, ანამარია ლომიძეს და გვანცა ბეროზაშვილს პროგრამის - „ჩემი პირველი კომპიუტერი“ ფარგლებში კომპიუტერები გადაეცათ.
სკოლაში მოსწავლეთა წარმატება ახარებთ და მიღწეულ შედეგს ულოცავენ, პედაგოგებს კი მათ განათლებაში ჩადებული შრომისა და ამაგისთვის მადლობას უხდიან.
„მადლობა, ამ საამაყო ბავშვების კლასის ხელმძღვანელს - ინგა გელაშვილს, ყველა პედაგოგს, ვისაც წვლილი აქვს შეტანილი მათ აღზრდაში და მადლობა, მათ მშობლებს. გისურვებთ დიდ წარმატებებს“,- ვკითხულობთ სკოლის გავრცელებულ წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტო:
